Дзень беларускага пісьменства: як рабяты Ганцавіцкага цэнтра творчасці ў Капыль з’ездзілі

29

Традыцыйна  штогод  у першую нядзелю верасня праводзіцца Дзень беларускага пісьменства.  Гэта свята з’яўляецца нацыянальным  і захоўвае  духоўную спадчыну нашага народа,  вучыць паважаць  родную  мову, культуру,  традыцыі.

У гэтым годзе галоўная ўрачыстасць праходзіла ў горадзе Капыль  Мінскай вобласці.

Удзельнікам аб’яднанняў  «Верасок» і «Юны рэпарцёр» Ганцавіцкага раённага цэнтра дзіцячай і юнацкай творчасці  пашчасціла  пабываць на гэтым важным  мерапрыемстве. Шмат цікавага  і пазнавальнага давялося ўбачыць нашым рабятам: урачыстае адкрыццё свята і Алеі пісьменнікаў Копыльшчыны, узнагароджанне лепшых  літаратараў, пераможцаў рэспубліканскага конкурсу  «Жывая класіка». Дарэчы, Алея была прадстаўлена ў выглядзе 17 па-мастацку аформленых літар, з якіх пачынаецца прозвішча знакамітых людзей Копыльшчыны і пісьменнікаў-землякоў.

У рамках Дня пісьменства  прайшоў фестываль кнігі і прэзентацыя беларускіх выдавецтваў.

А колькі цікавых выстаў, гульняў, конкурсаў з выкарыстаннем новых сучасных падыходаў  падрыхтавалі  арганізатары свята!  У некаторых з іх прынялі ўдзел і нашы дзеці.

Рабяты атрымалі магчымасць ужывую  ўбачыць  такое важнае мерапрыемства.

Валянціна Мурашка, кіраўнік літаб’яднання «Верасок».

Источник: gants.by

Наши контакты

Наш адрес

224005, г. Брест, ул. К.Маркса, 19

8 (0162) 59-44-32 (тел/факс)

obkkultbrest@mail.ru

Время работы

Пн-чт: 08.30 - 17.00

Пт: 08.30 - 16.10

Сб-вс: выходной